Austria-in puipunna hmuna hmai khuh a khap

Austria sorkar chuan puipunna hmuna Muslim hmeichhiaten hmai an khuh vek ṭhin chu khap a nih tur thu a sawi a, Europe khawchhak lama aṭanga an rama hnathawk lutte tan khuah­khirhna a siam bawk.

Austria Chancellor Christian Kern chuan hmai khuhna khap a nih tur thu hi puangin, he thupek thar hi thla 18 chhunga hman ṭan tum a ni tih a sawi. Sorkarin policy thar a siamah hian security lam thuam chakna tur pawh a tel a, he programme thar hi Austria rama muslim-te enhranna a ni lo tih a sawi a, hemi rual hian an dan leh dun te zawm thei lo tur chuan an ram chu an chhuahsan mai a ngai ang tih a sawi. Sorkar chuan chhiah tihhniam a tiam a, Austrian labour market-a ramdang mi hnathawkte khuahkhirhna a siam bakah, hna thar 70,000 siam a tiam bawk.