Senate-in Attorney General atan Jeff Sessions pawm

US President Donald Trump-a’n Attorney General atana a rawt, Jeff Sessions chu Senate-in a pawmpui.

US Senate in vote a lakah, Sessions-a duhtu lamah vote 52 tlain a duh lo lamah vote 47 a tla a ni. Democrat senator zingah Joe Manchin chauhin a thlawp lamah a vote a ni. Jess Sessions hi chi inthliarna lam kalpuia puhin sawisel a lo ni tawh a, hei vang hian Attorney General atana President Trump-a’n a rawt pawhin sawizui a hlawh hle. Kum 1986 pawh khan federal judge tana rawt a nihna chu Senate panel-in a lo hnawl tawh a ni. Attorney General pawm a ni hnu hian, Trump-a’n a cabinet atana a nominate mi 22 zinga pariat chu pawmsak a ni tawh a ni.