Britain MP-te’n Brexit bill pawm

Britain MP-te chuan European Union aṭanga UK inlakchhuahna hna sorkarin a kalpui ṭan theihna tur, Brexit Bill chu an pawm.

House of Commons-a vote lakah European Union (Notification of Withdrawal) Bill hi MP 494 in an pawm a, member 122 in an thlawp lo thung. Prime Minister Theresa May chuan March thla tawp lam aṭangin Brexit talk hi neih ṭan a duh a, hemi atan hian Lisbon Treaty Article 50 a ṭanchhan a ngai dawn a, mahse Parliament-in a pawmpui hmasak phawt a ngai thung.