Ghana President hlui motor 200 chin hriat loh

Ghana sorkar thar chuan President hlui motor 200 chuang chu an awmna chin hriat a ni lo tih sawiin, heng motor-te hi zawnchhuah ngei an tum tih a sawi.

Nikum December thla khan Ghana-ah hian President thar an thlang a, he inthlanah hian President ṭanglai Afuko-Addo chu a chak zo lo a, John Mahama thlan tlin a ni. President thar hi kumin January 7 khan lakluh a ni. President thlan thar a nih hnu hian sorkar motor 200 chuang zet chu an awmna chin hriat lohin a awm zui a, heng zingah hian Toyota Land Cruisers 122, Mercedes 13 leh BMW pali a tel.