US Attorney General-in dan loa raltlan luh tihtawp duh

US Attorney General thar, Jess Sessions chuan an rama dan loa raltlan lut ṭhinte tihtawp a ngaih thu a sawi.

US Senate chuan Nilaini khan Attorney General atan Jess Sessions hi a pawm a, vote laknaah senator 52 in thlawpin, a thlawp lo lamah vote 47 a tla a ni. Sessions chuan an rama dan loa raltlan lut fo ṭhin chu tihtawp a ngaih thu sawiin, hei hian ram mipuite himna thlengin a tiderthawng thei a ni, a ti. 

Session chuan US-a pemluh tumte tana dan mumal tak siam a ngai tih a sawi. Kum 70 mi, Sessions hi President Donald Trump-a thlawptu hmasa pawl a ni a, hnathawktu 113,00 awmna justice department leh US attorney 93-te awmna a ho dawn a ni. Chi inthliarna thlawptua puh a lo ni tawh a, kum 1986-a federal judge atana rawtna pawh Senate hian a lo hnawl tawh a ni.