Germany President thar thlang dawn

German parliament chuan an ram president thar tur a thlang dawn a, candidate pali awmin foreign minister hlui Frank-Walter Steinmeier chu tling tura rin kai a ni.

Germany President hi an ram hotu lu ber nihna pek ni mah se, a takah thuneihna a nei tam lo a, Vice Chancellor chu thuneitu ber a ni. President hi Parliament lower house-a member 630 leh, state 16 aiawh ten an thlang thei a, an vaiin member 1,260 in an thlang dawn a ni.

President ṭanglai, kum 77 mi Joachim Guack chuan a kum upat tawh avangin president term hnihna hi chuh chhunzawm a tum tawh lo tih a sawi. Joachim Gauck hi pastor hlui a ni. President thar tura rinkai ber, Steinmeier hi Chancellor Angela Merkel-i kaihhruai, center-right leh center-left party ṭangrual ten an thlawp. Merkel-i party, Union bloc leh cen­ter-left Social Democrats hian member 923 an nei a, hei vang hian Steinmeier hi a tlin ngei rin a ni.

Steinmeier hi Germany-a politician lar ber zinga mi a ni a, Merkel-i hnuaiah kum 2005-2009 leh kum 2013 ṭanga kum­in thlengin foreign mi­nister a ni. Ukraine ram nena an buaian chingfel tura a beihna avangin fak a hlawh hle.