Philippines-ah ruihhlo ti thin police 100 chuang ban

Philippines chuan kumin chhungin police force zinga mi 100 chuang chu ruihhlo an tih ṭhin avangin a ban tawh.

Philippines President Rodrigo Duterte-a’n nikum aṭanga an rama ruihhlo tihrem tuma beihpui a thlak hnuah, ruihhlo zuar leh ti ṭhin mi 7,700 chuang tihhlum an ni tawh bawk. Internal Affairs Service inspector general Alfegar Triambula chuan police ban takte chu ruihhlo an ti ṭhin thin tih man an nih thu a sawi a, hei service rules bawhchhiatna lian tak a nih avangin ban nghal an ni, a ti. 

Police dang 40 pawh ban turin tunkar chhung hian police hotute hnenah a thlen leh tur thu a sawi bawk.