US-in Pakistan Senate deputy chairman visa pe duh lo

US chuan UN-sponsored International Parliamentary Union (IPU) conference hmang tura New York-a zin tum, Pakistan Senate deputy chairman Maulana Abdul Ghafoor Haideri chu visa a pe duh lo.

Haideri visa dilna hnawlsak a nih avang hian Pakistan senate chairman Raza rabbani chuan IPU conference neih tur chu an ramin an boycott thu a puang nghal. Hei bakah hian US sorkar emaw, Pakistan-a US embassy emawin Haideri visa hnawlsak a nih chhan chiang taka an sawifiah hma chuan an ram Senate member-te chuan US an tlawh dawn lo tih a sawi. An rama US Congress member leh palai zin tumte pawh Senate-ah lawm an hlawh dawn lo tih a sawi bawk.

Haideri hi Jamiat Ulema-i-Islam-Fazl (JUI-F) party member a ni a, an party hian ualau takin US policy hrang hrangte an sawisel a, firfiakte beihletna kawnga US chet dan pawh an dem thu an sawi fo a ni.