Turkmenistan president tharin vote 98% hmu

Turkmenistan president thlanah president ṭanglai, Gurbanguly Berdymukhamedov chu hneh taka thlan tlin a ni a, vote tla aṭangin 98% a hmu pha niin electoral official-te’n an sawi.

Pathiannia president thar thlanaah hian candidate pariat an awm a, vote tla hi 97% a tling a ni. President ṭanglai Berdymukhamedov chu kum sarih dang thuneihna chang chhunzawm tura thlan tlin a ni. Kum 59 mi, Berdymukhamedov hi dentist niin health minister a lo ni tawh ṭhin a, kum 2006-a Turkmenistan president hmasa ber, Saparmurat Niyazov a thih khan thuneihna a chang chho a ni. 

Berdymukhamedov hian nikum khan an ram danpui siam danglamin, thuneihna a chelh chhunzawm zel theihna turin presidential candidate ni thei tura kum bithliah chin siam chu a titawp a ni. Hei bakah hian president term kum nga chu kum sarihah a tipung bawk.