Germany President atan Steinmeier thlang

Germany President atan foreign minister hlui, Frank Walter-Steinmeier chu Pathianni khan thlan tlin a ni. President thlan thar hi thla tharah lakluh a ni ang.

Pathianni khan Parliament Lower House member leh Germany state 16 aiawhte awmna assembly chuan President atan Steinmeier hi an thlang a ni. 

Steinmeier hi US President Donald Trump-a sawiseltu langsar tak a ni a, mipuite tihhlauhthawng leh tiralṭi zawnga politics kalpui a duh loh thu a sawi. Kum 61 mi, Steinmeier chuan President atan thlan a ni chu lawmawm a tih thu leh a pawm thu a sawi a, an ramin hma a sawn zel theihna turin huaisen taka kal turin mipuite a chah.