Pakistan-ah Valentine’s Day hman khap

Pakistan-a Islamabad High Court chuan sorkar office leh vantlang punkhawmna hmunah Valentine’s Day hman a khap.

Court-ah hian petition thehluh a ni a, Valentines’ Day chu Islam zirtirna kalh a ni a, Muslim culture a nih loh avangin an ramah hman khap tura ngen a ni. He petition hi a ngaihtuah hnuah court chuan khapna thupek hi a tichhuak a ni. 

Pakistan President Mamnoon Hussain pawhin Valentines Day chu khawthlang ramte hman ṭhin, Pakistan culture-a tel lo a ni tih sawiin hmang lo turin mipuite a lo ngen tawh bawk. Nikum khan he ni hman duh lo tute chuan Valentine card tam tak an lo hal tawh a ni.