Sweden leh Finland-in NATO a luh dilna thehlut

Sweden leh Finland chuan nimin khan North Atlantic Treaty Organization (NATO)-a luh an dilna chu a rualin an thehlut tih Sweden prime minister Magdalena Andersson chuan a sawi.

NATO member-te hian Sweden leh Baltic Sea Region-a venhimna chu a thuam chak sawt dawn tih Finland president Sauli Niinisto chuan a sawi. Finland ram nen dilna an thehluh avang hian "Europe hmar lamah venhimna kan tichak sawt thei dawn a ni," tiin Andersson chuan a sawi.

Ram pahnih hian venhimna lamah thawhdunna ṭha tak an nei mek a, "A ruala NATO zawm dilna kan thehlut hian hmalam hunah pawh inzawmna ṭha tak kan la nei zel dawn a ni," a ti.

Hetih lai hian Russia president Vladimir Putin chuan NATO hian Finland leh Sweden-ah sipai ralthuamte a dah lut a nih chuan an chhang let dawn tih sawiin a lo vau lawk tawh a ni.