UN Peacekeeping mission hotu thar ruat

United Nations Secretary-General Antonio Guterres chuan UN peacekeeping mission hotu thar atan France palai, Jean-Pierre Lacroix a ruat.

Kum 56 mi, Lacroix hian April 1 aṭangin Herve Ladsous thlakin a hna thar, under-general-secretary hna hi a zawm ang a, kum khat chhung a thawk dawn a ni. Lacroix hi tunah Ministry of Foreign Affairs, France-a United Nations and International Organizations-a director ni lai a ni. A thlak tur, Ladsous hian peac­keeping hotu hna hi kum ruk a chelh a ni.

Guterres chuan UN Under-Secretary-General for Political Affairs Jeffrey Feltman chu kum khat dang a hna a chelh chhunzawm dawn tih sawiin, April 1, 2018 thleng a thawk ang.

UN-ah hian under-secretary-general dinhmun hi dinhmun sang leh pawimawh a ni a, heng dinhmun hi Security Council permnent member pahnih, France leh US-te’n hun rei tak an chelh tawh a ni.

UN hotu chuan UN peace keeping force leh security kalphung leh inrelbawl dante enfiah turin internal review team din a ni tih a sawi a, he team hian kumin June thlaa report thehlutin, insiamṭhatna ngaihna lai nia a hriatte rawtna siamin, a ṭul angin hma lak a ni ang, a ti.