Melanie Trump-i’n mipuite tlawh turin White House hawng dawng
US First Lady Melania Trump chuan President chenna in, White House chu March thla tir aṭangin mipuiten an tlawh theih tura hawn a ni dawn tih a puang.
White House hian tlawhtu a ngah thei hle a, mahse January 20-a President atana Donald Trump lakluh a nih hnu khan, mipuite tlawh theiha hawn a la ni lo.
Congress member ṭhenkhat chuan White House tlawh theih hun tur tihkhawtlai a ni chu an sawisel a, hemi hnu hian Melanie Trump chuan kum 224-a upa, White House hi mipuite tan March 7 aṭangin hawn a ni leh dawn tih a sawi a ni.
Thuchhuah siamin, First Lady chuan kumtina mi sang telin an tlawh ṭhin, White House chu mipuite tana hawn a ni leh thuai dawn tih sawiin, amah pawh a phur hle tih a sawi. White House chu America ram tan hmun hlu leh chhinchhiah tlak a ni a, a mawina leh hlutnate mipuite an hmuhtir thei chu a phurawm hle tih a sawi.
Melanie Trump hi White House-ah hian ala cheng ve lo a, an fapa kum 10 mi, Baron Trump chu a lehkha zirna lam ala laklawh avangin an nufain New York-a Trump Tower-ah an la khawsa rih a ni.