France president thlan turah ramdang inrawlh remti lo

France Foreign Minister Jean-Marc Ayrault chuan an ram President thlanna neih turah Russia leh ram dangte an inrawlh an remti dawn lo tih a sawi.

Russian hacker-te’n France president tura rinkai ber, Emmanuel Macron tihbuai an tum nia thuthang a awm avangin he thu hi minister Ayrault chuan a sawi a, “Inthlan kaihhnawihah hian Russia emaw, ram dang emaw an inrawlh kan remti dawn lo” a ti. Ram dangten France mipuite duhthlanna tura inrawlhna tur an nei lo a, eng ram mahin an president tur chu an thlansak tur a ni lo tiin, a ṭul anga hma lak zel an tum tih a sawi.

February 23 hian defence hotute inhmukhawmin, cyber security chungchang an sawiho dawn a ni.

Russia chuan an ram hacker-te’n France president thlan tur khawihbuai an tum nia puhna chu thu dik lo a nih thu a sawi thung. Russia hi nikum November 8-a US President thlan dawna campaign laiin US Democratic Party leh campaign staff-te email khawih sak a, thu dik lo te thehdarhah puh an lo ni tawh bawk.