Trump-a sawmna Robert Harward-a’n a hnawl

US President Donald Trump-a’n National Security Adviser atana a thlan, retired Vice-Admiral Robert Harward chuan President sawmna hi a hnawl.

White House official chuan kum 60 mi, Harward hian an chhungkaw dinhmun ngaihtuahin President sawmna hi a hnawl niin a sawi a, mahse media lam chuan team hran din a duh vang zawk niin an tarlang thung.

Michael Flynn chu Russia palai nena an inbiak chungchangah vice-president Mike Pence-a hnenah thil dik tawk lo a hrilh avangin National Security Adviser aṭang hian a bang a, amah thlaktu tur hi ruatfel a la ni lo. Harward-a bakah, NSA thar atan hian retired General David Petraeus leh acting national security adviser Keith Kellogg-te hming pawh sawirik a ni bawk.