Russia-in Donbas an tichhe vek : Zelenskyy

Ukraine president Volodymyr Zelenskyy chuan Ningani khan Russia sipaite chuan an rama thil siamchhuahna hmun, Donbas region chu an tihchhiat vek tawh thu sawiin,Russia chu awmze nei loa tharum thawhna thlenah a puh.

Zelenskyy chuan Russia sipaite chu Ukraine mi a tam thei ang ber that a, chhiatna nasa thei ang ber thlen tumah a puh bawk.

Ukraine sipaite'n Kyiv khawchhak Kharkiv region-ah chhanchhuah hna an thawh laiin Russia chuan Ukraine chhim chhak lam aṭangin Donbas a khawsate nawr chhuah tumin ṭan an khawh leh a ni, a ti. "Hrehmun ang mai a ni, ka sawi uarna ṭawngkam mai pawh a ni tawh lo a ni," tiin Ningani khan Severodonetsk-a inbeihna rapthlak tak avangin mi 12 an thih belh leh thu a sawi.

"Central Ukraine-a Odesa region-ah indona a thleng reng a. Donbas chu tihchhiat vek a ni tawh," tiin "Tihluihna leh dan bawhchhe chungin Ukraine mi a tam thei ang ber thah an tum a, chenna in, vantlang hmun te leh sumdawnna tam thei ang ber tihchhiat an tum a ni," a ti.