Russia-in Ukraine helpawl passport siam a pawm

Russia President Vladimir Putin chuan thupek ti­chhuakin, Ukraine khaw­chhak lama helpawlten passport leh document dang an ti­chhuahte chu an pawmsak tur thu a sawi.

He thupek hian Ukraine lak aṭanga inlakhran duha helten an ram china an puan, Donetsk People’s Republic leh Luhansk People’s Republic te a huam dawn a ni.

President Putin-a thupek chuan,”Russia-in Ukraine helten an ram china an puan a pawmsak chhunga thuneituten identitypaper, school or professional diploma, birth and death certificate an siamte chu pawmsak vek an ni ang” a ti.

Kum 2014-a Ukraine tualchhung buaina chhuak avang khan mi 9,700 chuang an thi a, he buaina chhuah hnu hian Russia chuan Ukraine lak aṭanga inlakhran duh, chhim lama Crimea bial chu a la zui a ni. Hemi hnu hian Russia thlawp, helpawlte chuan Ukraine khawchhak lam bial­ah inlakhran duhin an hel zui ve leh a, kum 2015 February thla khan inkahhai an lo puang tawh a, mahse an inremna siam hi an palzut reng a ni.