Australia PM Morrison a chak zo lo ; PM thar atan Anthony Albanese lalut dawn

Australia prime minister Scott Morrison chuan kar liam ta Inrinnia inthlanpui neihah eptu Anthony Albanese a hneh zo lo.

Kum 2013 hnua a vawi khatna atan Labor party chuan sorkarna an chang dawn tih Australian Broadcasting Corporation (ABC) chuan a tarlang. Albanese hi an ram PM 31-na tur a ni.

Inthlana a chak zawh tak loh avangin kum kaw chhung zet ṭangrual sorkar an lo siam tawhna leh prime minister a nihna anga Morrison-a term chu a tawp dawn a ni. Morrison chuan zan hrehawm tak a nih thu sawiin, Liberal Party-a hotu anihna aṭang pawhin a bang nghal dawn tih a sawi bawk.

Australia PM tharin ramdang hruaitute kawm nghal a tum
Australia prime minister atan thlan thar Anthony Albanese chuan US president Joe Biden, Japan prime minister Fumio Kishida leh India prime minister Narendra Modi-te chu Japan-a Quad summit neih rualin mi mal ṭheuha biak a tum thu a sawi. 

"Kan policy-ah thil ṭhenkhat thlak danglam a ni dawn a, a bik takin climate change leh khawvel ramdangte nen hemi chungchanga kan thawhho dan tur chu ngaihpawimawh a ni ang," tiin Australia-in carbon an tihchhuah chu tihtlem a tum thu a sawi.

Albanese leh a thawhpuite chu vawiin hian rinawmna thu tiamtira lakluh an ni dawn a ni.