Singapore-ah Israel PM a zin

Israel Prime Minister Benjamin Netanyahu chu ni hnih cham turin Thawhṭanni khan Singapore-ah a zin a, Israel chuan Asia ramte chu inzawmna nghet zawk neihpui a tum tih a sawi.

Netanyahu hian thla tharah China ram a tlawh dawn a, India Prime Minister Narendra Modi chuan kumin kumtawp lamah Israel tlawh a tum bawk. Tunhnaiah Israel leh Asia insumdawn tawnna hi a ṭhang chak hle a ni. Kumin kumtir lam khan Israel rama in sak hna thawhnaa Chinese construction worker 6,000 vel chhawrna turin Israel leh China hian inremna an lo siam tawh a ni.

Netanyahu hian Singapore President Tony Tan Keng Yam leh Prime Minister Lee Hsien Loong te a kawm a, Thawhṭanni zan khan PM Lee chuan zanirah a pualin zanriah a lo buatsaih sak bawk. Tun ṭum hi Israel PM-in official-a Singapore a tlawhna hmasak ber a ni. Nimin khan Israel PM hian Singapore public housing estate a tlawh bawk.

Tan leh Netanyahu-te chuan ram pahnihte inzawmna chu tihngheh zel a n duh thu an sawi a, hmasawnna hna thawh dan kawng hrang hrangte an sawidun.