Guinea-a zirlaite nawrhnaah mi panga thi

Guinea rama nawrh huaihawt zirlaite chu police-te nen innawr buaiin, buaina chhuak vang hian mi panga an thi.

Guinea rama zirtirtu pawl lian pahnih chuan hlawh tihsan phut leh, contract-a chhawr zirtirtute chhawr chhunzawm zel phutin kar eng emaw zat nawrh an huaihawt tawh a, mahse tun thlengin an thil phut chu sorkarin a la ngaihtuah sak lo niin an sawi.

Zirtirtute nawrh vang hian hun rei tak zirlaiten lehkha an zir thei tawh lo a, hei vang hian an zirtirtute thil phut tihhlawhtlaisak tura phutin sorkar an nawr a ni. Zirlaite hian lung leh tiang hmangin police duty-te an bei a, police-te silai hmehpuahah mi panga an thi a ni.

Sorkar chuan nawrh huaihawt chu dan kalha neih a ni tih a sawi a, mipuite chu inthunun tura ngenin, tharum thawhna thlenga mawhphurtute chu thubuai siamsak a nih tur thu a sawi. Nawrh huaihawtnaa tel mi 12 man an ni tih a sawi bawk.