South Sudan-in tam tuar mek

United Nations (UN) chuan South Sudan ram chu ṭam tlakna ramah a puang.

Kum 2013 aṭanga tualchhung indona thleng vangin South Sudan ram dinhmun hi a chhe hle a, buaina chhuak vang hian mi sang tel an thi a, mi maktaduai chuang chu himna zawngin an tlanchhe bawk.

UN chuan buaina a chhuah chhunzawm reng avangin ram mipuiten eitur an tlachham ṭan tawh a, a bikin bial pahnih huam chhunga cheng mi 100,000 chuangte chu ṭanpui an ngai tawh hle niin a sawi. 

Anni bakah hian mi maktaduai khat te dinhmun pawh a ṭha tawh lo hle a ni, a ti. South Sudan ram mipui zahve, maktaduai 5.5 vel chuan thla rei lote hnuah ei tur mumal nei loin an awm mai dawn niin UN chuan a sawi a, ei tur neih loh vanga thihna a thlen mai a hlauhawm tawh hle niin a sawi.