Planet thar pasarih hmuchhuak
US Space station NASA chuan kan chenna khawvel tiat, planet thar pasarih hmuhchhuah a nih thu Nilaini khan a puang. Planet thar hmuhchhuahte hi ‘b’ aṭanga ‘h’ thleng an hming vuah sak an ni.
Space telescope chak tak leh, ground-based observatory hmangin international astronomer team chuan arsi rual khat, Aquarius-a TRAPPIST-I hel kualtu khawvel tiat, plant pasarih te hi an hmuchhuak a ni. NASA chuan planet an hmuhchhuahah hian tui te a awm a, planet pathum phei chu thil nung awm theihna a nih mai theih thuan sawi.
Kum 2015, May thla khan astronomer-te chuan solar system-ah planet pathum an lo hmuchhuak tawh a, hetih hunlai pawh hian planet dang hmuhchhuah belh tur a la awm an rin thu an sawi a ni.
TRAPPIST-1 star sytem-a planet pasarih hmuhchhuahte hi khavel aṭanga light year 39 vela hlaa awm an ni a, thlawhtheihna hmang chuan kum maktaduai 44 velah thlen theih a ni ang. Planet hmuhchhuahten an helkual, TRAPPIST-1 hi ni (sun) angin a sa ve lo a, ni sat lam hi 5778 Kelvin (K) a nih laiin TRAPPIST-1 lum lam chu 2550 K chauh a ni. A lian lo hle a, a len zawng pawh hi ni len zawng aṭanga teha 8% vel chauh a ni.