Mexico-in US immigration policy pawm lo
US sorkar tharin an rama pem luh tumte tana dan khauh zawk a siam chu Mexico sorkar chuan a pawm lo tih a sawi.
US Department of Homeland Security chuan thupek thar tichhuakin, an rama dan loa pem lut emaw, work permit nei lo emaw chu thawn haw turin thuneitute hnenan thuneihna a pe a ni. He dan thar hi hman a nih chuan, document mumal neiloa US-a awm mi tam tak chuan Mexico an pan thei a ni tiin, Mexico Foreign Affairs Minister Luis Videgaray chuan an pawm lo tih a sawi. Videgaray chuan ram danga Mexican awmte dikna chanvo humhalh sak turin Mexico sorkar chuan a theihtawp a chhuah dawn tih a sawi a, a bikin US-a Mexican awmte chu ngaihtuah an ni ang, a ti.