US kaihhruai ṭangrual ramten civil mi 876 tihlum tawh
US kaihhruai ṭangrual ramten kum 2014 September thla aṭanga Syria rama firfiakte laka beihpui an thlaknaah civil mi 876 an tihlum tel tawh.
Syrian Observatory for Human Rights-in Ningani-a report a tihchhuahah, ṭangrual ramte beihpui thlaknaa civil mi thi zingah hian naupang leh hmeichhia 340 an tel niin a sawi.
Ṭangrual ramte hian Syria hmarlam leh, Iraq nena an inri-na bial, Islamic State (IS)-te thuneihna bial chu an bei ber a, hei bakah hian al-Qaida nena inzawm, Nusra Front firfiak pawlte inkhuarna bial pawh an bei tel bawk.
Observatory chuan beihpui thlaknaah hian firfiak 5,766 thah an ni tawh tih sawiin, an zinga a tam ber chu ramdang mi an ni a, anni bakah hian Nusra Front mi leh sa 141 thah an ni tawh bawk niin a tarlang.