IMF hotu hlui kum 4.5 tang turin hrem
International Monetary Fund (IMF) hotu hlui, Rodrigo Rato chu Spain bank pahniha sum tichingpena puhin kum li leh a chanve tang tuara hrem a ni.
Madrid court chuan Rato leh banker hlui 60 chuang chu nuamsa taka an awm theih nana corporate credit card an hman vangin thiam loh a chantir. Kum 2003-12 chhung khan Caja Madrid leh Bankia aṭangin dollar maktaduai 12 vel an hmang nia sawi a ni a, mahse kum 67 mi, Rato chuan an puhna hi thu dik lo niin a sawi thung.
Kum 2011-a Bankia in bul a ṭan ṭhata sum dahtu, mi 200,000 te chu an sum dah khawl hmanga share lei tura tih an ni a, mahse bank sum tam tak tihchingpen a nih tak avangin anni pawh hian an sum hi an chan vek a ni.
Thubuai ngaihtuahnaah, Rato chuan corporate credit card chu a hlawhah a tel a ni tiin, a hman avang hian tih dik lo a nei lo niin a sawi. Rato hi Bankia hotu aṭang hian kum 2012 khan a lo bang tawh a ni. Kum 2004-07 inkar khan International Monetary Fund hotu a ni a, hemi hma hian Spain economy minister a lo ni tawh bawk.