Lahore-a bomb puakah mi 10 an thi

Pakistan khawchhak lam khawpui, Lahore-ah Ningani khan bazar hmunah bomb a puak a, mi 10 an thi a, mi dang 30 velin hliam an tuar.

Lahore-a bomb tihpuah hi kg 10 vel zet niin police-te chuan an sawi a, Defence Housing Authority-in bazar-a in a sak a lai hnuaiah tihpuah a ni. He bazar hmun vekah hian a hmain firfiakten bomb tihpuah tuma an vau avangin law enforcement agency-te chuan bazar hmuna awmte hi an lo chhuahtir vek tawh a ni. Defence Housing Authority buildingah hian sumdawnna hmun, cafe leh boutique eng emaw zat a awm a ni. Bomb puak hian thil a tichhe nasa hle a, car leh a bul vela building tukverhte a keh nasa hle.

Pakistan ramah hian ni 10 kalta chhung khan pawikhawihna hrang hrang thleng vangin mi 130 an thi a, mi za telin hliam an tuar bawk. Heng pawikhawihnate hi Pakistan Taliban, Islamic State leh Jamaat-ul-Ahrar firfiakte tih nia puh a ni.