Hwang-a’n Park-i chhuitute hun pek belh remti lo

South Korea acting president Hwang Kyo-ahn chuan thuneihna dik lo taka hmanga puha chhui mek, President Park Geun-hye-i chungchang chhui mekah hun pek belh a remti lo.

President Park-i hi sorkar thilah a ṭhianṭha a inrawlh tir avang leh, a ṭhiannu foundation enkawl tana company liante sum ṭhahnem tham tak thawhtirah puh a ni. Hei vang hian ṭum eng emaw zat president lakah lungawi lohna lantir a ni tawh a, nikum December thla khan Parliament chuan a chungthu chhui a nih theih nan Park-i hi president a nihna aṭangin a chawlh tir tawh a ni.

Acting President Hwang chuan special prosecutor-in Park-i chungchang a chhui mek chu a rintlak a, hun an lo ruahman lawk anga zawhfel chu an ram tan pawha thil ṭha ber a nih tur thu a sawi a, hei vang hian hun pek belh a tum tawh lo. Acting president thutlukna siam chungchang hi nimin khan special prosecutor office chuan a ngaihtuah ve leh a ni.