Chile khawpuiah mi tam takin tui thianghlim nei lo

Chile rama ruahsur leh leimin nasa takin tui lakna lui a tihbawlhhlawh avangin, an ram khawpui Santiago chawmtu supply tihtawp a ngai a, mi maktaduai li velin harsatna an tawk mek.

Official-te chuan Santiago khawpui tana tui an lakna, Maipo lui chu leimin hian a tibawlhlawh avangin an tui lak an titawp hrih a, lui tui a thianghlim hun hi an nghak phawt dawn tih an sawi. Tui thianghlim a awm loh avangin khawpuia chengten harsatna an tawk nasa hle a, tui indaih lohna a nasat avangin thuneitute chuan restaurant leh sumdawnna dangte pawh khar turin an ti a, school term ṭan hun tur pawh sawn hlat a ni. Khawpui chhung hmun hrang hranga hming mipuiten tui thianghlim an lak theihna tur emergency station siam a ni.