Saudi lal-in bungrua ton 506 keng dawn

Saudi Arabia lal, King Salman bin Abdul Aziz al-Saudi chu tunkar chhung hian ni kua cham turin Malaysia-ah a zin dawn a, kum 46 chhunga Saudi lal-in Malaysia a tlawhna hmasa ber tur a ni ang.

Indonesia media report-in a tarlan danin, King Salman hian a zinnaah hian bungrua metric ton 459 (US ton 506) zet a keng dawn a, Mercedes-Benz S600 limousine pahnih leh electric elevator pahnih pawh a keng tel dawn.

King Salman-a bungruate buaipui tur hian PT Jasa Angkasa Semetes airfreight company ruat a ni. Company hotu Ajdi Gunawam chuan Saudi lal bungrua buaipui hna thawk tur hian hnathawktu 572 dah an nih thu a sawi.

Saudi lal chhungkuate hi an zinnaah an che hautakin an khawsa nuam thei hle a, Salman hian kum 2015 khan Washington a tlawh ṭumin Georgetown-a Fours Seasons hotel chu a pumin a book tawh bawk. He hotel-ah hian room 222 a awm a ni.