SKorea sipai leh Lotte-in ram inthleng

South Korea defence ministry chuan Terminal High Altitude Area Defense (THAAD) system dahna turin Lotte Group nena ram inthlengna tur chu nimin khan a ziakfel ta.

Defence ministry official chuan THAAD system hi Lotte group ram, golf course-ah dah turin an inbe fel tawh tih a sawi a, nimin khan ministry hian a ziakfel ta a ni. Thawhṭanni khan Lotte International chuan board of directors meeting a lo ko tawh bawk.

South Korea leh US chuan nikum July thla khan kumin chhung ngeiin SKorea-ah THAAD battery dah an tum thu an lo sawi tawh a, he system hi Seongjy county-a Lotte Group golf course-ah dah a ni ang. Lotte ram hmansak a nih dawn vang hian a thlengna atan Seoul bul, Gyeongngi province-a sipai ram chu pek let an ni thung dawn a ni.