Kim Jong-nam thattute NKorea tana enthlatu

North Korea ram hotu, Kim Jong-un-a unaupa, Kim Jong-nam thahnaa inhnamhnawiha puh, mi palite chu NKorea ram tana enthlak hna thawk ṭhin an ni tih South Korea intelligence service chuan a sawi.

Kim Jong-nam hi February 13 khan Malaysia-a Kuala Lumpur airport-ah a hmaiah tur tah a ni a, hei hi a thihpui a ni. Malaysia police-te chuan airport-a Kim thah a nih dan hi a hma aṭanga lo ruahman lawk vek nia a lan thu an sawi.

South Korea National Intelligence Service chuan Thawhṭanni khan Parliament member-te hnenah, Kim thahnaa inhnamhnawiha puh mi pali-te chungchang hi a hrilh. NIS chuan mi pali rinhlelh zinga pahnih hi North Korea Foreign Ministry hnuaia thawk niin a sawi a, NKorea ram hotu lu ber Kim Jong-un-a thupek anga a unaupa pawh hi thah a ni tih a sawi bawk.