Ram 20 chuangah monkeypox darh tawh WHO-in chhuichiang turin khawvel ramte ngen

World Health Organization (WHO) official-te chuan Ningani khan monkeypox kai mi 200 vel an hmuhchhuah tawh thu leh, hri la hmuhchhuah ngai zen zen lohna ramah hri kai nia rinhlelh mi 100 chuang an awm tih a sawi. Khawvel ramte chu he hri hi uluk taka thlithlai reng turin a ngen.

Monkeypox hi Africa ram, Cameroon, Central African Republic ,Democratic Republic of Congo leh Nigeria-ah hmuhchhuah tam ber a ni.

Hri la hmuhchhuah lohna ramah tunhnai chho khan hmuhchhuah a nih avangin hlauhthawnna lian tak a thlen. Hri kai enkawlna tur vaccine leh damdawi a awm chungin hri vanga thi zat, fatality rate chu 1% vel a ni. WHO-a senior epidemiologist Maria Van Kerkhove chuan hri darh ngai lohna ram 20 chuangah monkeypox kai hi hmuhchhuah an ni tawh a, hri kai hi an pun chhoh rin a nih thu a sawi bawk.