Mi 22 chuanna Nepal thlawhtheihna chin hriat lohin awm

Nepal-a private airline, mi 22 chuanna chu nimin aṭanga khan chin hriat lohin a awm tih airline neitu leh sorkar official-te chuan an puang.

Thlawhtheihna hi Nepal khawpui, Kathmandu aṭanga km 200-a hlaa awm, Pokhara khua aṭanga hmarthlang lam km 80-a hla Jomsom pana a thlawh laiin chin hriat loh hian a awm tih official-te chuan an sawi. Thlawh theihnaah hian India mi pali leh ramdang mi pahnih an chuang tel.

Nepal-ah hian, thlawhtheihna chetsualna hi a thleng foa, boruak inthlak danglam ṭhin vang leh, tlang lama thlawhna ṭum hmun harsat vang niin an sawi.