Malaysia-in NKorea tan visa-free entry titawp dawn

Malaysia chuan visa ngai loa an rama North Korea mite an luh a phalsak ṭhin chu a titawp dawn.

Kuala Lumpur airport-a North Korea ram hruaitu, Kim Jong-un-a unaupa, Kim Jong-nam-a thah a nih chungchangah ram pahnihte inkar boruak hi a ṭha lo hle a ni. Kim Jong-nam thattua puh hmeichhe pahnih chu thubuai siamsak an ni tawh a, he tualthahna thlengah hian NKorea sorkar chu a inrawlh nia puh a ni a, mahse NKorea chuan an puhna hi a pha thung.

Malaysia hian NKorea chu inremna a lo siampui tawh angin visa ngai kher loin an rama luh a phalsak a ni. Mahse Kim thah a nih hnu hian an ram himna ngaihtuahin visa hi an phut tawh dawn a, March 6 aṭang chuan visa nei loin NKorea mite hi an lut thei tawh dawn lo a ni.

Malaysia police-te chuan Kim Jong-nam hi chemical hlauhawm tak, VX nerve agent hmanga thah niin an sawi a, mahse hei hi NKorea chuan a pawmpui lo a, thil awihawm loh tak niin a sawi. NKorea hian Malaysia hnenah Kim-a ruang pawh endik lo turin a ti a,tualthahnaa inhnamhnawiha puh North Korea mi a man pawh chhuah turin a phut bawk.