Iraq-ah February chhungin mi 385 that
United Nations chuan February thla chhungin Iraq ramah firfiakte pawikhawihna leh tharum thawhna thlengah mi 385 thah an nih thu a sawi.
United Nations Assistance Mission for Iraq (UNAMI) chuan thi zat tarlan zingah hian security force lam an tel lo niin a sawi. He report-ah hian Iraq khawthlang lam, Anbar province a huam tel lo bawk.
UNAMI hotu Jan Kubis chuan Iraq rama civil mite chunga pawikhawihna thlen tir ṭhinah Islamic State (IS) firfiakte chu a puh a, hemi rual hian firfiakte laka beihpui an thlaknaah security force-te’n civil mite tawrhna thlen lo thei ang ber tura hma an lak avangin a fak thu a sawi.
Kum 2016 chhung khan Iraq rama firfiakte pawikhawihnaah hian civil mi 6,878 an thi a, mi 12,388 in hliam an tuar bawk.