Nepal thlawhtheihna tlaa chuangte an thi vek : Official

Nepal tlanga Pathiannia thlawhtheihna tlaa chuangte chu an thi vek niin sorkar official chuan a sawi.

Home Ministry thupuangtu Mani Pokhrel chuan chhanchhuahhna thawktuten thlawhtheihna tlakna hmunah ruang 14 an lakchhuah tawh thu a sawi. Thlawhtheihna tlaah hian mi 22 an chuang a ni.

Tata Air thlawhtheihna, Twin Otter 9N-AET hi Pathianni chawhma dar 10 vela Pokhara khua aṭanga Jomson pana a thlawh chhuah hnu minute reiloteah biak pawh theih lohin a awm zui a ni. Darkar 20 vel an zawn hnuah nimin zing khan Mustang district-a Thasang-a ft 14,500-a sang, Sano Sware Bhir tlangah thlawhtheihna tla hi hmuh a ni.

"Ruang 14 hmuhchhuah an ni tawh a, midangte zawn hna ngawrh takin kalpui mek a ni. Khua hi a chhe hle a, mahse chetsualna hmunah hian team kan tir thei hram a ni. Thlawhtheihna dang han thlawh theihna chi a ni lo," tiin Deo Chandra Lal Karn chuan a sawi.