World Bank-in Sri Lanka USD mtd 700 pe dawn : Minister

World Bank chuan tun aṭanga thla rei lo te hnuah sum lama tlachhia, Sri Lanka chu USD maktaduai 700 vel an pe dawn tih Sri Lanka foreign minister, GL Peiris chuan Thawhṭanni khan a sawi.

Colombo-a World Bank Country Manager Chiyo Kanda chuan Minister Peris nena an inbiaknaah he thu hi a hrilh a ni.

Meeting an neih chhung hian minister chuan International Monetary Fund, international institution leh donor ram kaltlanga chhawmdawlna an hmuh hma loh chuan World Bank chu an ram pui tur hian a ngen.

Minister chuan World Bank aṭanga ṭanpuina sum an dawn chu ṭangkai taka an hman theih tur thu a sawi. World Bank country manager chuan organization dang, heng Asian Development Bank, Asian Infrastructure Investment Bank leh UN office-te nen hun harsa tak kara Sri Lanka mipuite dinchhuah theih dan tur project hrang hrang siam turin hma an lak mek thu a sawi ve bawk.

Sri Lanka hian foreign currency lamah indaih lohna lian tak an tawh avangin nitin mamawh lakluh kawngah harsatna an tawk mek a ni.