Firfiakten Kabul hospital bei

Afghanistan khaw­pui, Kabul-a sipai hospital chu nimin khan firfiakten an bei a, buil­ding chhung­ah security force-te nen an inkap.

Khum 400 awmna Sardar Mohammad Daud Khan hospital hi US embassy bul hnaia awm a ni. Nimin zing khan firfiakt 3-5 vel chuan silai leh hand grenade kengin complex hi an luhkhung a ni.

Official-te chuan hospital beitute hi medical staff anga inthuamin building chhungah an lut a, chhawng chung lamah an inkhuar a, an mahni bei let tur hian special forces unit tirh an nih thu an sawi. Security force-te chuan hospital chhehvela kawngpuite pawh an dang nghal vek a, hospital chhungah hian nimin chawhnu lam thleng khan an la inkap zui a ni.

NATO kaihhruai Resolute Support mission chuan Afghan security force-te pui tura a inpeih thu a sawi.

Hospital-a thawk pakhat, Abdul Qadir chuan firfiak zing pakhat, doctor coat-a inthuam chuan AK-47 assault rifle kengin a silai chu a pawng kah a, damlo pakhat leh thawktu pakhat a kaphlum niin a sawi.