Israel leh UAE-in thawhdunna tur ziak

Israel leh United Arab Emirates (UAE) chuan Thawhlehni khan sumdawnna lama thawhdunna tur, free trade agreement an ziak. Israel-in Arab ram zinga hetiang inremna a ziahpui hmasa ber a ni.

UAE chuan kum 2020 khan US hmalakna hmangin Israel nena an inkar siamṭhat a lo remti tawh a, hemi hnu hian economic sector lamah ram pahnihte hian an thawhdunna an tilian chho mek a ni.

"Israel leh UAE-te hian Free Trade Agreement chhinchhiah tlak tak an ziak a, Israel leh Arab ram zinga ziak thei hmasa ber an ni. Israel ram chanchina FTA neih tawha inremna an siam ran ber ṭum a ni," tiin Israel prime minister Naftali Bennett chuan a sawi. "Ram pahniha sumdawnnate chuan chak zawkin market a thleng thei dawn a, insumdawn tawnna, hna thar, thiamna thar leh thawhdunna thuk zawk hmang kan nei thei dawn a ni," a ti.

UAE-Israel Business Council president Dorian Barak chuan kumin chhungin ram pahnih inkara insumdawn tawnna, bilateral trade chuan USD tld hnih a pelh a rin thu leh, kum nga chhungin USD tld nga in a pun belh a rin thu a sawi.