US First Lady pawmtu an pung

America mipuite ngaihdan lakah US First Lady Melanie Trump-i chu pawmtu an pung zel.

CNN/ORC-in mipui ngaihdan an lak hnuhnung ber an tihchhuak a, President atan Donald Trump-a lakluh a nih hmaa First Lady atana Melanie Trump pawmtu 36% chauh awm chu 52% ah a kaichho tawh a ni.

February thlaa mipui ngaihdan lakah khan model hlui, Melanie Trump-i duhtu hi 24% chauh an awm a, First Lady atana duh lotu hi 31% awmin, 23% chuan eng ang mi nge a ni tih pawh an la hre ngai lo niin an sawi. Mahse opinion poll result hnuhnung berah chuan 3% chauhin an hre ngai lo tih an sawi,.

Republican Party zingah 86% in First Lady atan Melanie Trump chu a ṭha tawkah an ngai a, mahse Democrats lamah chuan ṭha titu hi 22% chauh an ni thung. Mipa zing­ah Melanie Trump thlawptu hi 58% niin, hmeichhia 46% in a ṭha tawkah an ngai.