Australia-ah MH370 hriatrenga siam dawn

Kum 2014 March 8-a chin hriat loha bo, hna thawktu 12 leh khualzin 227 chuanna Malaysia Airlines thlawhtheihna fligth MH370 chu tun thlengin hmuh a la ni lo. Hetihlai hian MH370 hriatrengna hi Australia-a Perth khawpuiah siam a ni dawn.

Australia Transport Minister Darren Chester chuan, Boeing 777 jet tlakna nia rin aṭanga khawpui hnai ber, Perth-ah hriatrengna hmun hi siam a ni dawn tih a sawi. Thlawhtheihna bo danah thil chiang tak hriat la ni lo mah se, a rang thei anga hriatrengna hmun hi siam tum a nih thu a sawi.

Ram hrang hrangten MH370 hi hun rei tak ngawrh takin an zawng a, mahse a tlakna chin tak hi hriat chian a la ni lo. Kumin kumtir lam khan finfiahna thar te hmuh a nih leh hma chuan thlawhtheihna bo zawn hna hi tiam chin awm loa tihtawp a nih tur thu an puang a ni.

Chester chuan tuipuiah bo zawn hna chu tawpsan ni mah se, satellite hmangin thlawhtheihna tla hi zawn chhunzawm reng a la ni dawn tih a sawi.