Trump-a khapna siam khin tum an pung

US President Donald Trump-a’n raltlan luh khapna leh, Muslim tamna ram paruk aṭanga an rama zin luh tumte khuahkhirhna dan a siam chu, Hawaiin state-in an khin tur thu an sawi hnuah, Washington, Massachussetss, Oregon leh New York pawhin khin an tum.

President Trump hian Muslim ram pasarihaṭanga an rama luh tumte khapna dan a siam chu court-in a dansak hnuah, thupek hi a siamṭha leh a ni. Thupek a siam tharah hian a hmaa ram pasarih a tarlan aṭangin Iraq chu paih a ni thung a, he thupek thar hi March 16 aṭanga hman ṭan tura tih a ni.

Trump-a thupek siam tharah hian Muslim ram paruk - Syria, Iran, Somalia, Libya, Sudan leh Yemen aṭanga US kal tumte tan visa thar pe chhuak tawh lo tura tih a nih bakah, ni 120 chhung atan US refugee programme pawh khar lailawk tura tih a ni bawk.