US aṬangin Saudi sipaite chhuah tir dawn

US military base-a training mek, Saudi sipai eng emaw zat chu chhuah tir an ni dawn. 

Hei hi December 6-a Saudi Air Force officer pakhatin Flo­rida-a American naval base a beih vang a ni. Saudi officer hian Pensacolla installation a beihnaah hian American sailor pathum a kaphlum a ni. America aṭanga hnawh­chhuah tur, Saudi sipaite hi naval base-a pawikhawihna thlentu sipai officer hi thlawpah puh an ni. 

Pentagon chuan pawi­khawihna a thlen hnu, nikum December 10 khan US-a Saudi Arabia sipaite training pekte chu tihtawp a nih tur thu a lo puang tawh a ni. Hei bakah hian US-a Saudi Arabia aṭanga kal, military student 850 chungchangte pawh zirchian nghal a ni a, mahse heng zirlaite zingah hian hlauhthawnawm an awm lo tih a sawi.