Trump-a'n H-1B visa titawp

United States (US) president Donald Trump chuan kumin chhung atan non-immigrant visa pek chhuah ṭhin chu a titawp a, heng zingah hian H-1B visa pawh a tel. 

President thutlukna siam hian H-1B visa diltu mi 2,25,000 zinga kumin atana pek chhuah, hnathawktu 85,000 vel a nghawng dawn a ni. Trump chuan immigration system hman mek chu siamṭhat a, hna thawk tur laknaah America mite dah pawimawh hmasak phawt an nihna tur leh, 'merit-based' a siam-ṭhat a rawt a ni. He rawtna hi tihpuitlin a nih chuan America mi 5,25,000 te tan hna thawh tur an hum sak thei dawn niin White House thupuangtu chuan a sawi. 

System thar hnuaiah thiamna sang leh hlawh sang tak neite chuan H1-B visa pek dawnin thlan hmasak an ni dawn a ni. Trump chuan kumin February-May inkara khan US unemployment rate chu let li zetin a sang tih a sawi a, non-immigration programme H-1B, H-2B, J leh L te chuan America mi tam takte hna thawh tur chungchang a tiderthawng thei a ni, a ti. 

Hetih lai hain US tech industry-te chuan President Trump hmalakna hi an sawisel thung a, inelna boruak tichhiain hun kal zel tah an ram economy thlengin a tuar phah thei dawn niin an sawi thung.