Latin America lamah hrileng hluar mek

Khawvela hripui leng mek, Covid-19 kai chu an la pun belh zel a, nimin thleng khan he hri kai hi maktaduai 9 an chuang tawh. 

Nikum December thlaa China-a Wuhan khawpuia hmuh ṭan, Covid-19 hi ram tam zawkah an la buaipui mek zel. Europe ramah hri leng hian ziaawm lam a pan chhoh laiin, Latin America ramah hri leng hi a la hluar hle thung. Brazil, Peru leh Mexico te chu hri leng hluar zualna ram an ni chho leh mek a ni. 

US chu hri kai tamna leh hri vanga thi tamna ber ram a la ni zel a, khawvel puma hri kai hmuh tawh zinga 25% chu US-a awm an ni. 

WHO Situation Report-in a tarlan danin, US-ah hian mi nuai khatah 671.24 hri kai ang an ni a; Germany, Spain, Brazil leh UK-ah mi nuai khatah mi  583.88, 526.22, 489.42 leh 448.86 in he hri kai ang an ni bawk.