Israel-ah nawrh huaihawt

Covid-19 hri dona kawnga Israel prime minister Benjamin Netanyahu kaihhruai sorkar hmalakna duhkhawp loh vangin, kar liam ta Inrinni khan Tel Aviv-a Rabin Square-ah  nawrh huaihawt a ni. 

Mipui pungkhawmte hian hri leng vanga  hun rei tak inkharkhipna a kalpui avanga  hna thawk thei loh leh hna nei lote chu sorkarin a ngaihsak lo niin an sawi. Sorkar chuan hri leng vanga hna chante chu chhawmdawlna a pe ṭha lo niin an sawi a, an ramah hri leng vangin unemployment rate pawh  20%-in a sang chho tawh a ni. 

Kar liam ta Ningani khan Netanyahu chuan an rama Covid-19 hri leng vanga harsatna tawkte chhawmdawlna pek an nih dawn thu a tiam a, mahse he thil hi a taka a kalpui hmaiin Inrinni liam ta khan nawrh hi huaihawt a ni ta a ni. Kut hnathawktute, mahnia eizawnna kalpui ṭhin, sumdawn leh nitina inhlawhfate chuan Rabin Square-ah hian sorkar laka lungawi lohna hi an lan tir a ni. Israel-a Covid-19 hri kai hi mi 37,464 an tling tawh a, heng zinga mi 18,814 chu enkawl dam tawh an ni a, he hri vang hian mi 354 an thi tawh a ni.