Agriculture, food leh drink industry tan Britain sorkarin package siam

Britain sorkar chuan Covid-19 vanga harsatna tawk, agriculture, food leh drink industry-te tan 'bounce back' package a siam.

He package hi ram chhunga agriculture, food leh drink industry-a hnathawkte chawi­kanna tura tih a ni a, ram dang thlenga an thar chhuah leh thilsiam chhuahte an thawn chhuah theihna tura a duan a ni. 

Department for International Trade (DIT), Department for Environment leh Food and Rural Affairs (Defra) ṭang khawp chuan he package hi an duang chhuak a ni. DIT minister for Export Graham Stuart chuan ram chhunga griculture, food leh drink industry-a hnathawkte chu Covid-19 vangin an sum­dawnna kawngah harsatna an neih thu a sawi a, an harsatna tawhte sutkiansak an nih theih nan an tana package siam hi a ṭul thu a sawi.

Heng industry pathumte hian kum 2018-a British economy-ah Euro vaibelchhe 121 a thawkchhuak thei a, he industry-a hnathawkte hi mi maktaduai 4 vel an ni. Nikum khan heng industry-te hian ram pawnah Euro vbc 23.7 hu an thawn chhuak a, kum hmasa aia a punna hi 4.9% a ni. Britain-ah chuan heng industry pathumte hi thilsiam chhuaktu industry lian berte zinga mi an nih bakah ram chhunga mihring chengte ei leh ina chawmtu lian ber an ni bawk.

DIT hian SME (medium-sized enterprise) E-commerce Accelerator Pilot tih chu a siam thar bawk a, hei hi food leh drink industry ten e-commerce hmanga an sumdawnna an tihzauh theihna tur tih a ni.