Egypt president hlui Mubarak-a chhuahna tur thupek tichhuak

Egypt attorney general chuan an ram president hlui, Hosni Mubarak-a chhuahna tur thupek chu Thawhṭanni kha a tichhuak.

Kum 2014, May thla khan sorkar sum tam tak pawtpengah puhin Mubarak-a hi kum thum chhung tang tura hrem a ni. Kum 2011 April thla khan prosecutor chuan Mubarak-a hi ni 15 chhung hreng tur leh, eiruk leh thuneihna dik lo taka hmanga puhna te chhui chiang turin a lo ti tawh bawk. Hei bakah hian president hlui kum 2011-a amah duhlohna lantira nawrh huaihawt zinga mi eng emaw tihhlum an nih chungchanga mawhphurtuah puhin thubuai siamsak a ni bawk.

Attorney general chuan Mubarak-a hian pre-trial detention period chu a hman tlak tawh avangin chhuahna tur thupek hi a tichhuak ta a ni. Kum 89 mi, Mubarak-a hi a hriselna a ṭhat loh avangin a detention period chhung pawh hi Cairo-a sipai hospital-ah a hmang a ni. March 2 khan Egypt upper court chuan 2011-a nawrh huaihawtte thihnaa mawhphurtua puhna lakah Mubaraka-a hi thiam a lo chantir tawh bawk.