Palestinian miten sorkar duh lohna kawngzawh huaihawt

West Bank-ah Thawhṭanni khan Palesitian mi tam takin sorkar laka lung­awi lohna kawngzawh an huaihawt a, President Mahmoud Abbas chu Israel nena thawkdunah puhin bang turin an phut.

Hemi ni vek hian Pa­lestinian journalist-te chuan a hma nia nawrh huaihawtte chunga Palesitinian riot police-te chet dan avanga lungawi loin, sit-in protest an huaihawt bawk. Pathianni khan police-te chuan nawrh huaihawta pungkhawmte leh journalist-te chu tiangin an vua a ni, camera ṭhenkhat a chhe tel bawk.

Mipui lungawi lo te chuan Abbas-a kaihhruai sorkar chu eptute a ngaithei lo sawt hle niin an sawi. Thla ruk kalta chhung khan nawrh huaihawt mi tam tak man an ni tawh bawk niin an sawi.

Palestinian Prime Minister Rami Hamdallah chuan Pa­thiannia thil thleng chu chhui chian a tiam a, a chhui tur hian deputy interior minister Dweik leh lawyers union member-te awmna committee a din.